Psalms 89:39
Westminster Hebrew Morphology
מַשְׂכִּיל לְאֵיתָן הָֽאֶזְרָחִֽי׃ |
||
כִּֽי־אָמַרְתִּי עֹולָם חֶסֶד יִבָּנֶה שָׁמַיִם׀ תָּכִן אֱמוּנָתְךָ בָהֶֽם׃ |
||
עַד־עֹולָם אָכִין זַרְעֶךָ וּבָנִיתִי לְדֹר־וָדֹור כִּסְאֲךָ סֶֽלָה׃ |
||
כִּי מִי בַשַּׁחַק יַעֲרֹךְ לַיהוָה יִדְמֶה לַיהוָה בִּבְנֵי אֵלִים׃ |
||
יְהוָה׀ אֱלֹהֵי צְבָאֹות מִֽי־כָֽמֹוךָ חֲסִין׀ יָהּ וֶאֱמֽוּנָתְךָ סְבִיבֹותֶֽיךָ׃ |
||
אַתָּה דִכִּאתָ כֶחָלָל רָהַב בִּזְרֹועַ עֻזְּךָ פִּזַּרְתָּ אֹויְבֶֽיךָ׃ |
||
צָפֹון וְיָמִין אַתָּה בְרָאתָם תָּבֹור וְחֶרְמֹון בְּשִׁמְךָ יְרַנֵּֽנוּ׃ |
||
צֶדֶק וּמִשְׁפָּט מְכֹון כִּסְאֶךָ חֶסֶד וֶאֱמֶת יְֽקַדְּמוּ פָנֶֽיךָ׃ |
||
בְּשִׁמְךָ יְגִילוּן כָּל־הַיֹּום וּבְצִדְקָתְךָ יָרֽוּמוּ׃ |
||
כִּי לַֽיהוָה מָֽגִנֵּנוּ וְלִקְדֹושׁ יִשְׂרָאֵל מַלְכֵּֽנוּ׃ |
||
מָצָאתִי דָּוִד עַבְדִּי בְּשֶׁמֶן קָדְשִׁי מְשַׁחְתִּֽיו׃ |
||
לֹֽא־יַשִּׁא אֹויֵב בֹּו וּבֶן־עַוְלָה לֹא יְעַנֶּֽנּוּ׃ |
||
וֶֽאֶֽמוּנָתִי וְחַסְדִּי עִמֹּו וּבִשְׁמִי תָּרוּם קַרְנֹֽו׃ |
||
הוּא יִקְרָאֵנִי אָבִי אָתָּה אֵלִי וְצוּר יְשׁוּעָתִֽי׃ |
||
לְעֹולָם אֶשְׁמֹור־אֶשְׁמָר־לֹו חַסְדִּי וּבְרִיתִי נֶאֱמֶנֶת לֹֽו׃ |
||
אִם־יַֽעַזְבוּ בָנָיו תֹּורָתִי וּבְמִשְׁפָּטַי לֹא יֵלֵכֽוּן׃ |
||
וּפָקַדְתִּי בְשֵׁבֶט פִּשְׁעָם וּבִנְגָעִים עֲוֹנָֽם׃ |
||
לֹא־אֲחַלֵּל בְּרִיתִי וּמֹוצָא שְׂפָתַי לֹא אֲשַׁנֶּֽה׃ |
||
זַרְעֹו לְעֹולָם יִהְיֶה וְכִסְאֹו כַשֶּׁמֶשׁ נֶגְדִּֽי׃ |
||
וְאַתָּה זָנַחְתָּ וַתִּמְאָס הִתְעַבַּרְתָּ עִם־מְשִׁיחֶֽךָ׃ |
||
פָּרַצְתָּ כָל־גְּדֵרֹתָיו שַׂמְתָּ מִבְצָרָיו מְחִתָּה׃ |
||
הֲרִימֹותָ יְמִין צָרָיו הִשְׂמַחְתָּ כָּל־אֹויְבָֽיו׃ |
||
הִשְׁבַּתָּ מִטְּהָרֹו וְכִסְאֹו לָאָרֶץ מִגַּֽרְתָּה׃ |
||
עַד־מָה יְהוָה תִּסָּתֵר לָנֶצַח תִּבְעַר כְּמֹו־אֵשׁ חֲמָתֶֽךָ׃ |
||
מִי גֶבֶר יִֽחְיֶה וְלֹא יִרְאֶה־מָּוֶת יְמַלֵּט נַפְשֹׁו מִיַּד־שְׁאֹול סֶֽלָה׃ |
||
זְכֹר אֲדֹנָי חֶרְפַּת עֲבָדֶיךָ שְׂאֵתִי בְחֵיקִי כָּל־רַבִּים עַמִּֽים׃ |
||
בָּרוּךְ יְהוָה לְעֹולָם אָמֵן׀ וְאָמֵֽן׃ |
