This is a printer friendly version

Search:

by keyword or phrase:

Go to:

Bible reference:

Translations:

Preferred Translations

  • Preferred Translations can be selected from the preferences tab

All Translations

Hide All

Study Tools:

Commentaries:

Preferred Commentaries:

  • Preferred commentaries can be selected from the preferences tab

All Commentaries

View All

Genesis 7:2

Westminster Hebrew Morphology
וַיֹּאמֶר (@Pc) (@vqw3ms) יְהוָה (@np) לְנֹחַ (@Pp) (@np) בֹּֽא־ (@vqvms) אַתָּה (@pi2ms) וְכָל־ (@Pc) (@ncmsc) בֵּיתְךָ (@ncmscX2ms) אֶל־ (@Pp) הַתֵּבָה (@Pa) (@ncfsa) כִּֽי־ (@Pc) אֹתְךָ (@PoX2ms) רָאִיתִי (@vqp1cs) צַדִּיק (@amsa) לְפָנַי (@Pp) (@ncbpcX1cs) בַּדֹּור (@Pp) (@Pa) (@ncmsa) הַזֶּֽה (@Pa) (@amsa) ׃
1
מִכֹּל׀ (@Pp) (@ncmsc) הַבְּהֵמָה (@Pa) (@ncfsa) הַטְּהֹורָה (@Pa) (@afsa) תִּֽקַּח־ (@vqi2ms) לְךָ (@PpX2ms) שִׁבְעָה (@ucmsa) שִׁבְעָה (@ucmsa) אִישׁ (@ncmsa) וְאִשְׁתֹּו (@Pc) (@ncfscX3ms) וּמִן־ (@Pc) (@Pp) הַבְּהֵמָה (@Pa) (@ncfsa) אֲשֶׁר (@Pr) לֹא (@Pn) טְהֹרָה (@afsa) הִוא (@pi3fs) שְׁנַיִם (@ucmda) אִישׁ (@ncmsa) וְאִשְׁתֹּֽו (@Pc) (@ncfscX3ms) ׃
2
גַּם (@Pc) מֵעֹוף (@Pp) (@ncmsc) הַשָּׁמַיִם (@Pa) (@ncmpa) שִׁבְעָה (@ucmsa) שִׁבְעָה (@ucmsa) זָכָר (@ncmsa) וּנְקֵבָה (@Pc) (@ncfsa) לְחַיֹּות (@Pp) (@vpc) זֶרַע (@ncmsa) עַל־ (@Pp) פְּנֵי (@ncbpc) כָל־ (@ncmsc) הָאָֽרֶץ (@Pa) (@ncfsa) ׃
3
כִּי לְיָמִים עֹוד שִׁבְעָה אָֽנֹכִי מַמְטִיר עַל־הָאָרֶץ אַרְבָּעִים יֹום וְאַרְבָּעִים לָיְלָה וּמָחִיתִי אֶֽת־כָּל־הַיְקוּם אֲשֶׁר עָשִׂיתִי מֵעַל פְּנֵי הָֽאֲדָמָֽה׃
4
וַיַּעַשׂ נֹחַ כְּכֹל אֲשֶׁר־צִוָּהוּ יְהוָֽה׃
5
וְנֹחַ בֶּן־שֵׁשׁ מֵאֹות שָׁנָה וְהַמַּבּוּל הָיָה מַיִם עַל־הָאָֽרֶץ׃
6
וַיָּבֹא נֹחַ וּבָנָיו וְאִשְׁתֹּו וּנְשֵֽׁי־בָנָיו אִתֹּו אֶל־הַתֵּבָה מִפְּנֵי מֵי הַמַּבּֽוּל׃
7
מִן־הַבְּהֵמָה הַטְּהֹורָה וּמִן־הַבְּהֵמָה אֲשֶׁר אֵינֶנָּה טְהֹרָה וּמִן־הָעֹוף וְכֹל אֲשֶׁר־רֹמֵשׂ עַל־הָֽאֲדָמָֽה׃
8
שְׁנַיִם שְׁנַיִם בָּאוּ אֶל־נֹחַ אֶל־הַתֵּבָה זָכָר וּנְקֵבָה כַּֽאֲשֶׁר צִוָּה אֱלֹהִים אֶת־נֹֽחַ׃
9
וַֽיְהִי לְשִׁבְעַת הַיָּמִים וּמֵי הַמַּבּוּל הָיוּ עַל־הָאָֽרֶץ׃
10
בִּשְׁנַת שֵׁשׁ־מֵאֹות שָׁנָה לְחַיֵּי־נֹחַ בַּחֹדֶשׁ הַשֵּׁנִי בְּשִׁבְעָֽה־עָשָׂר יֹום לַחֹדֶשׁ בַּיֹּום הַזֶּה נִבְקְעוּ כָּֽל־מַעְיְנֹת תְּהֹום רַבָּה וַאֲרֻבֹּת הַשָּׁמַיִם נִפְתָּֽחוּ׃
11
וַֽיְהִי הַגֶּשֶׁם עַל־הָאָרֶץ אַרְבָּעִים יֹום וְאַרְבָּעִים לָֽיְלָה׃
12
בְּעֶצֶם הַיֹּום הַזֶּה בָּא נֹחַ וְשֵׁם־וְחָם וָיֶפֶת בְּנֵי־נֹחַ וְאֵשֶׁת נֹחַ וּשְׁלֹשֶׁת נְשֵֽׁי־בָנָיו אִתָּם אֶל־הַתֵּבָֽה׃
13
הֵמָּה וְכָל־הַֽחַיָּה לְמִינָהּ וְכָל־הַבְּהֵמָה לְמִינָהּ וְכָל־הָרֶמֶשׂ הָרֹמֵשׂ עַל־הָאָרֶץ לְמִינֵהוּ וְכָל־הָעֹוף לְמִינֵהוּ כֹּל צִפֹּור כָּל־כָּנָֽף׃
14
וַיָּבֹאוּ אֶל־נֹחַ אֶל־הַתֵּבָה שְׁנַיִם שְׁנַיִם מִכָּל־הַבָּשָׂר אֲשֶׁר־בֹּו רוּחַ חַיִּֽים׃
15
וְהַבָּאִים זָכָר וּנְקֵבָה מִכָּל־בָּשָׂר בָּאוּ כַּֽאֲשֶׁר צִוָּה אֹתֹו אֱלֹהִים וַיִּסְגֹּר יְהוָה בַּֽעֲדֹֽו׃
16
וַֽיְהִי הַמַּבּוּל אַרְבָּעִים יֹום עַל־הָאָרֶץ וַיִּרְבּוּ הַמַּיִם וַיִּשְׂאוּ אֶת־הַתֵּבָה וַתָּרָם מֵעַל הָאָֽרֶץ׃
17
וַיִּגְבְּרוּ הַמַּיִם וַיִּרְבּוּ מְאֹד עַל־הָאָרֶץ וַתֵּלֶךְ הַתֵּבָה עַל־פְּנֵי הַמָּֽיִם׃
18
וְהַמַּיִם גָּֽבְרוּ מְאֹד מְאֹד עַל־הָאָרֶץ וַיְכֻסּוּ כָּל־הֶֽהָרִים הַגְּבֹהִים אֲשֶׁר־תַּחַת כָּל־הַשָּׁמָֽיִם׃
19
חֲמֵשׁ עֶשְׂרֵה אַמָּה מִלְמַעְלָה גָּבְרוּ הַמָּיִם וַיְכֻסּוּ הֶהָרִֽים׃
20
וַיִּגְוַע כָּל־בָּשָׂר׀ הָרֹמֵשׂ עַל־הָאָרֶץ בָּעֹוף וּבַבְּהֵמָה וּבַחַיָּה וּבְכָל־הַשֶּׁרֶץ הַשֹּׁרֵץ עַל־הָאָרֶץ וְכֹל הָאָדָֽם׃
21
כֹּל אֲשֶׁר נִשְׁמַת־רוּחַ חַיִּים בְּאַפָּיו מִכֹּל אֲשֶׁר בֶּחָֽרָבָה מֵֽתוּ׃
22
וַיִּמַח אֶֽת־כָּל־הַיְקוּם׀ אֲשֶׁר׀ עַל־פְּנֵי הָֽאֲדָמָה מֵאָדָם עַד־בְּהֵמָה עַד־רֶמֶשׂ וְעַד־עֹוף הַשָּׁמַיִם וַיִּמָּחוּ מִן־הָאָרֶץ וַיִשָּׁאֶר אַךְ־נֹחַ וַֽאֲשֶׁר אִתֹּו בַּתֵּבָֽה׃
23
וַיִּגְבְּרוּ הַמַּיִם עַל־הָאָרֶץ חֲמִשִּׁים וּמְאַת יֹֽום׃
24