Psalms 89:46
Westminster Hebrew Morphology
מַשְׂכִּיל לְאֵיתָן הָֽאֶזְרָחִֽי׃ |
||
חַֽסְדֵי יְהוָה עֹולָם אָשִׁירָה לְדֹר וָדֹר׀ אֹודִיעַ אֱמוּנָתְךָ בְּפִֽי׃ |
||
כִּֽי־אָמַרְתִּי עֹולָם חֶסֶד יִבָּנֶה שָׁמַיִם׀ תָּכִן אֱמוּנָתְךָ בָהֶֽם׃ |
||
כָּרַתִּֽי בְרִית לִבְחִירִי נִשְׁבַּעְתִּי לְדָוִד עַבְדִּֽי׃ |
||
עַד־עֹולָם אָכִין זַרְעֶךָ וּבָנִיתִי לְדֹר־וָדֹור כִּסְאֲךָ סֶֽלָה׃ |
||
וְיֹודוּ שָׁמַיִם פִּלְאֲךָ יְהוָה אַף־אֱמֽוּנָתְךָ בִּקְהַל קְדֹשִֽׁים׃ |
||
כִּי מִי בַשַּׁחַק יַעֲרֹךְ לַיהוָה יִדְמֶה לַיהוָה בִּבְנֵי אֵלִים׃ |
||
אֵל נַעֲרָץ בְּסֹוד־קְדֹשִׁים רַבָּה וְנֹורָא עַל־כָּל־סְבִיבָֽיו׃ |
||
יְהוָה׀ אֱלֹהֵי צְבָאֹות מִֽי־כָֽמֹוךָ חֲסִין׀ יָהּ וֶאֱמֽוּנָתְךָ סְבִיבֹותֶֽיךָ׃ |
||
אַתָּה מֹושֵׁל בְּגֵאוּת הַיָּם בְּשֹׂוא גַלָּיו אַתָּה תְשַׁבְּחֵֽם׃ |
||
אַתָּה דִכִּאתָ כֶחָלָל רָהַב בִּזְרֹועַ עֻזְּךָ פִּזַּרְתָּ אֹויְבֶֽיךָ׃ |
||
לְךָ שָׁמַיִם אַף־לְךָ אָרֶץ תֵּבֵל וּמְלֹאָהּ אַתָּה יְסַדְתָּֽם׃ |
||
צָפֹון וְיָמִין אַתָּה בְרָאתָם תָּבֹור וְחֶרְמֹון בְּשִׁמְךָ יְרַנֵּֽנוּ׃ |
||
לְךָ זְרֹועַ עִם־גְּבוּרָה תָּעֹז יָדְךָ תָּרוּם יְמִינֶֽךָ׃ |
||
צֶדֶק וּמִשְׁפָּט מְכֹון כִּסְאֶךָ חֶסֶד וֶאֱמֶת יְֽקַדְּמוּ פָנֶֽיךָ׃ |
||
אַשְׁרֵי הָעָם יֹודְעֵי תְרוּעָה יְהוָה בְּֽאֹור־פָּנֶיךָ יְהַלֵּכֽוּן׃ |
||
בְּשִׁמְךָ יְגִילוּן כָּל־הַיֹּום וּבְצִדְקָתְךָ יָרֽוּמוּ׃ |
||
כִּֽי־תִפְאֶרֶת עֻזָּמֹו אָתָּה וּבִרְצֹנְךָ תָּרִים תָּרוּם קַרְנֵֽנוּ׃ |
||
כִּי לַֽיהוָה מָֽגִנֵּנוּ וְלִקְדֹושׁ יִשְׂרָאֵל מַלְכֵּֽנוּ׃ |
||
אָז דִּבַּרְתָּֽ־בְחָזֹון לַֽחֲסִידֶיךָ וַתֹּאמֶר שִׁוִּיתִי עֵזֶר עַל־גִּבֹּור הֲרִימֹותִי בָחוּר מֵעָֽם׃ |
||
מָצָאתִי דָּוִד עַבְדִּי בְּשֶׁמֶן קָדְשִׁי מְשַׁחְתִּֽיו׃ |
||
בַּמֵּתִים חָפְשִׁי כְּמֹו חֲלָלִים׀ שֹׁכְבֵי קֶבֶר אֲשֶׁר לֹא זְכַרְתָּם עֹוד וְהֵמָּה מִיָּדְךָ נִגְזָֽרוּ׃ |
