OSIS Web: Passage Bible study

Search:

Many Bibles support original language study help simply by clicking on any word in the text.
Show Notes
Show Cross-references
Show Strongs
Show Morphology


מִזְמֹור לְאָסָף אַךְ טֹוב לְיִשְׂרָאֵל אֱלֹהִים לְבָרֵי לֵבָֽב׃	1
וַאֲנִי כִּמְעַט נָטוּי נָטָיוּ רַגְלָי כְּאַיִן שֻׁפְּכָה שֻׁפְּכוּ אֲשֻׁרָֽי׃	2
כִּֽי־קִנֵּאתִי בַּֽהֹולְלִים שְׁלֹום רְשָׁעִים אֶרְאֶֽה׃	3
כִּי אֵין חַרְצֻבֹּות לְמֹותָם וּבָרִיא אוּלָֽם׃	4
בַּעֲמַל אֱנֹושׁ אֵינֵמֹו וְעִם־אָדָם לֹא יְנֻגָּֽעוּ׃	5
לָכֵן עֲנָקַתְמֹו גַאֲוָה יַעֲטָף־שִׁית חָמָס לָֽמֹו׃	6
יָצָא מֵחֵלֶב עֵינֵמֹו עָבְרוּ מַשְׂכִּיֹּות לֵבָֽב׃	7
יָמִיקוּ׀ וִידַבְּרוּ בְרָע עֹשֶׁק מִמָּרֹום יְדַבֵּֽרוּ׃	8
שַׁתּוּ בַשָּׁמַיִם פִּיהֶם וּלְשֹׁונָם תִּֽהֲלַךְ בָּאָֽרֶץ׃	9
לָכֵן׀ יָשִׁיב יָשׁוּב עַמֹּו הֲלֹם וּמֵי מָלֵא יִמָּצוּ לָֽמֹו׃	10
וְרָחַץ אֶת־בְּשָׂרֹו בַמַּיִם בְּמָקֹום קָדֹושׁ וְלָבַשׁ אֶת־בְּגָדָיו וְיָצָא וְעָשָׂה אֶת־עֹֽלָתֹו וְאֶת־עֹלַת הָעָם וְכִפֶּר בַּעֲדֹו וּבְעַד הָעָֽם׃	11