OSIS Web: Passage Bible study

Search:

Many Bibles support original language study help simply by clicking on any word in the text.
Show Notes
Show Cross-references
Show Strongs
Show Morphology


מִזְמֹור לְדָוִד בְּבָרְחֹו מִפְּנֵי׀ אַבְשָׁלֹום בְּנֹֽו׃	1
יְהוָה מָֽה־רַבּוּ צָרָי רַבִּים קָמִים עָלָֽי׃	2
רַבִּים אֹמְרִים לְנַפְשִׁי אֵין יְֽשׁוּעָתָה לֹּו בֵֽאלֹהִים סֶֽלָה׃	3
וְאַתָּה יְהוָה מָגֵן בַּעֲדִי כְּבֹודִי וּמֵרִים רֹאשִֽׁי׃	4
קֹולִי אֶל־יְהוָה אֶקְרָא וַיַּֽעֲנֵנִי מֵהַר קָדְשֹׁו סֶֽלָה׃	5
אֲנִי שָׁכַבְתִּי וָֽאִישָׁנָה הֱקִיצֹותִי כִּי יְהוָה יִסְמְכֵֽנִי׃	6
לֹֽא־אִירָא מֵרִבְבֹות עָם אֲשֶׁר סָבִיב שָׁתוּ עָלָֽי׃	7
קוּמָה יְהוָה׀ הֹושִׁיעֵנִי אֱלֹהַי כִּֽי־הִכִּיתָ אֶת־כָּל־אֹיְבַי לֶחִי שִׁנֵּי רְשָׁעִים שִׁבַּֽרְתָּ׃	8
לַיהוָה הַיְשׁוּעָה עַֽל־עַמְּךָ בִרְכָתֶךָ סֶּֽלָה׃	9