This is a printer friendly version

Search:

by keyword or phrase:

Go to:

Bible reference:

Translations:

Preferred Translations

  • Preferred Translations can be selected from the preferences tab

All Translations

View All

Study Tools:

Commentaries:

Preferred Commentaries:

  • Preferred commentaries can be selected from the preferences tab

All Commentaries

View All

Psalms 25:14

Westminster Hebrew Morphology
לְדָוִד אֵלֶיךָ יְהוָה נַפְשִׁי אֶשָּֽׂא׃
1
אֱֽלֹהַי בְּךָ בָטַחְתִּי אַל־אֵבֹושָׁה אַל־יַֽעַלְצוּ אֹיְבַי לִֽי׃
2
גַּם כָּל־קֹוֶיךָ לֹא יֵבֹשׁוּ יֵבֹשׁוּ הַבֹּוגְדִים רֵיקָֽם׃
3
דְּרָכֶיךָ יְהוָה הֹודִיעֵנִי אֹרְחֹותֶיךָ לַמְּדֵֽנִי׃
4
הַדְרִיכֵנִי בַאֲמִתֶּךָ׀ וְֽלַמְּדֵנִי כִּֽי־אַתָּה אֱלֹהֵי יִשְׁעִי אֹותְךָ קִוִּיתִי כָּל־הַיֹּֽום׃
5
זְכֹר־רַחֲמֶיךָ יְהוָה וַחֲסָדֶיךָ כִּי מֵעֹולָם הֵֽמָּה׃
6
חַטֹּאות נְעוּרַי׀ וּפְשָׁעַי אַל־תִּזְכֹּר כְּחַסְדְּךָ זְכָר־לִי־אַתָּה לְמַעַן טוּבְךָ יְהוָֽה׃
7
טֹוב־וְיָשָׁר יְהוָה עַל־כֵּן יֹורֶה חַטָּאִים בַּדָּֽרֶךְ׃
8
יַדְרֵךְ עֲנָוִים בַּמִּשְׁפָּט וִֽילַמֵּד עֲנָוִים דַּרְכֹּֽו׃
9
כָּל־אָרְחֹות יְהוָה חֶסֶד וֶאֱמֶת לְנֹצְרֵי בְרִיתֹו וְעֵדֹתָֽיו׃
10
לְמַֽעַן־שִׁמְךָ יְהוָה וְֽסָלַחְתָּ לַעֲוֹנִי כִּי רַב־הֽוּא׃
11
מִי־זֶה הָאִישׁ יְרֵא יְהוָה יֹורֶנּוּ בְּדֶרֶךְ יִבְחָֽר׃
12
נַפְשֹׁו בְּטֹוב תָּלִין וְזַרְעֹו יִירַשׁ אָֽרֶץ׃
13
סֹוד יְהוָה לִירֵאָיו וּבְרִיתֹו לְהֹודִיעָֽם׃
14
עֵינַי תָּמִיד אֶל־יְהוָה כִּי הֽוּא־יֹוצִיא מֵרֶשֶׁת רַגְלָֽי׃
15
פְּנֵה־אֵלַי וְחָנֵּנִי כִּֽי־יָחִיד וְעָנִי אָֽנִי׃
16
צָרֹות לְבָבִי הִרְחִיבוּ מִמְּצֽוּקֹותַי הֹוצִיאֵֽנִי׃
17
רְאֵה עָנְיִי וַעֲמָלִי וְשָׂא לְכָל־חַטֹּאותָֽי׃
18
רְאֵֽה־אֹויְבַי כִּי־רָבּוּ וְשִׂנְאַת חָמָס שְׂנֵאֽוּנִי׃
19
שָׁמְרָה נַפְשִׁי וְהַצִּילֵנִי אַל־אֵבֹושׁ כִּֽי־חָסִיתִי בָֽךְ׃
20
תֹּם־וָיֹשֶׁר יִצְּרוּנִי כִּי קִוִּיתִֽיךָ׃
21
פְּדֵה אֱלֹהִים אֶת־יִשְׂרָאֵל מִכֹּל צָֽרֹותָיו׃
22