OSIS Web: Passage Bible study

Search:

Many Bibles support original language study help simply by clicking on any word in the text.
Show Notes
Show Cross-references
Show Strongs
Show Morphology


בְּנִי אִם־תִּקַּח אֲמָרָי וּמִצְוֹתַי תִּצְפֹּן אִתָּֽךְ׃	1
לְהַקְשִׁיב לַֽחָכְמָה אָזְנֶךָ תַּטֶּה לִבְּךָ לַתְּבוּנָֽה׃	2
כִּי אִם לַבִּינָה תִקְרָא לַתְּבוּנָה תִּתֵּן קֹולֶֽךָ׃	3
אִם־תְּבַקְשֶׁנָּה כַכָּסֶף וְֽכַמַּטְמֹונִים תַּחְפְּשֶֽׂנָּה׃	4
אָז תָּבִין יִרְאַת יְהוָה וְדַעַת אֱלֹהִים תִּמְצָֽא׃	5
כִּֽי־יְהוָה יִתֵּן חָכְמָה מִפִּיו דַּעַת וּתְבוּנָֽה׃	6
וְצָפַן יִצְפֹּן לַיְשָׁרִים תּוּשִׁיָּה מָגֵן לְהֹלְכֵי תֹֽם׃	7
לִנְצֹר אָרְחֹות מִשְׁפָּט וְדֶרֶךְ חֲסִידֹו חֲסִידָיו יִשְׁמֹֽר׃	8
אָז תָּבִין צֶדֶק וּמִשְׁפָּט וּמֵישָׁרִים כָּל־מַעְגַּל־טֹֽוב׃	9
כִּֽי־תָבֹוא חָכְמָה בְלִבֶּךָ וְדַעַת לְֽנַפְשְׁךָ יִנְעָֽם׃	10
מִשְׁלֵי שְׁלֹמֹה בֶן־דָּוִד מֶלֶךְ יִשְׂרָאֵֽל׃	11