Job 35:3
Westminster Hebrew Morphology
וַיַּעַן אֱלִיהוּ וַיֹּאמַֽר׃ |
||
כִּֽי־תֹאמַר מַה־יִּסְכָּן־לָךְ מָֽה־אֹעִיל מֵֽחַטָּאתִֽי׃ |
||
הַבֵּט שָׁמַיִם וּרְאֵה וְשׁוּר שְׁחָקִים גָּבְהוּ מִמֶּֽכָּ׃ |
||
אִם־צָדַקְתָּ מַה־תִּתֶּן־לֹו אֹו מַה־מִיָּדְךָ יִקָּֽח׃ |
||
מֵרֹב עֲשׁוּקִים יַזְעִיקוּ יְשַׁוְּעוּ מִזְּרֹועַ רַבִּֽים׃ |
||
מַלְּפֵנוּ מִבַּהֲמֹות אָרֶץ וּמֵעֹוף הַשָּׁמַיִם יְחַכְּמֵֽנוּ׃ |
||
אַךְ־שָׁוְא לֹא־יִשְׁמַע׀ אֵל וְשַׁדַּי לֹא יְשׁוּרֶֽנָּה׃ |
||
וְעַתָּה כִּי־אַיִן פָּקַד אַפֹּו וְלֹֽא־יָדַע בַּפַּשׁ מְאֹֽד׃ |
||
