Job 33:3
Westminster Hebrew Morphology
וְֽאוּלָם שְׁמַֽע־נָא אִיֹּוב מִלָּי וְֽכָל־דְּבָרַי הַאֲזִֽינָה׃ |
||
יֹֽשֶׁר־לִבִּי אֲמָרָי וְדַעַת שְׂפָתַי בָּרוּר מִלֵּֽלוּ׃ |
||
אִם־תּוּכַל הֲשִׁיבֵנִי עֶרְכָה לְפָנַי הִתְיַצָּֽבָה׃ |
||
הִנֵּה אֵמָתִי לֹא תְבַעֲתֶכָּ וְאַכְפִּי עָלֶיךָ לֹא־יִכְבָּֽד׃ |
||
זַךְ אֲנִי בְּֽלִי פָשַׁע חַף אָנֹכִי וְלֹא עָוֹן לִֽי׃ |
||
יָשֵׂם בַּסַּד רַגְלָי יִשְׁמֹר כָּל־אָרְחֹתָֽי׃ |
||
מַדּוּעַ אֵלָיו רִיבֹותָ כִּי כָל־דְּבָרָיו לֹא־יַעֲנֶֽה׃ |
||
בַּחֲלֹום׀ חֶזְיֹון לַיְלָה בִּנְפֹל תַּרְדֵּמָה עַל־אֲנָשִׁים בִּתְנוּמֹות עֲלֵי מִשְׁכָּֽב׃ |
||
לְהָסִיר אָדָם מַעֲשֶׂה וְגֵוָה מִגֶּבֶר יְכַסֶּֽה׃ |
||
וְהוּכַח בְּמַכְאֹוב עַל־מִשְׁכָּבֹו וְרִיב וְרֹוב עֲצָמָיו אֵתָֽן׃ |
||
יִכֶל בְּשָׂרֹו מֵרֹאִי וּשְׁפִי וְשֻׁפּוּ עַצְמֹותָיו לֹא רֻאּֽוּ׃ |
||
אִם־יֵשׁ עָלָיו׀ מַלְאָךְ מֵלִיץ אֶחָד מִנִּי־אָלֶף לְהַגִּיד לְאָדָם יָשְׁרֹֽו׃ |
||
רֻֽטֲפַשׁ בְּשָׂרֹו מִנֹּעַר יָשׁוּב לִימֵי עֲלוּמָֽיו׃ |
||
יָשֹׁר׀ עַל־אֲנָשִׁים וַיֹּאמֶר חָטָאתִי וְיָשָׁר הֶעֱוֵיתִי וְלֹא־שָׁוָה לִֽי׃ |
||
הֶן־כָּל־אֵלֶּה יִפְעַל־אֵל פַּעֲמַיִם שָׁלֹושׁ עִם־גָּֽבֶר׃ |
||
הַקְשֵׁב אִיֹּוב שְֽׁמַֽע־לִי הַחֲרֵשׁ וְאָנֹכִי אֲדַבֵּֽר׃ |
||
אִם־אַיִן אַתָּה שְֽׁמַֽע־לִי הַחֲרֵשׁ וַאֲאַלֶּפְךָ חָכְמָֽה׃ ס |
