Job 19:24
Westminster Hebrew Morphology
עַד־אָנָה תֹּוגְיוּן נַפְשִׁי וּֽתְדַכְּאוּנַנִי בְמִלִּֽים׃ |
||
וְאַף־אָמְנָם שָׁגִיתִי אִתִּי תָּלִין מְשׁוּגָתִֽי׃ |
||
דְּֽעוּ־אֵפֹו כִּי־אֱלֹוהַּ עִוְּתָנִי וּמְצוּדֹו עָלַי הִקִּֽיף׃ |
||
אָרְחִי גָדַר וְלֹא אֶעֱבֹור וְעַל נְתִיבֹותַי חֹשֶׁךְ יָשִֽׂים׃ |
||
יִתְּצֵנִי סָבִיב וָאֵלַךְ וַיַּסַּע כָּעֵץ תִּקְוָתִֽי׃ |
||
יַחַד׀ יָבֹאוּ גְדוּדָיו וַיָּסֹלּוּ עָלַי דַּרְכָּם וַיַּחֲנוּ סָבִיב לְאָהֳלִֽי׃ |
||
חָדְלוּ קְרֹובָי וּֽמְיֻדָּעַי שְׁכֵחֽוּנִי׃ |
||
לְעַבְדִּי קָרָאתִי וְלֹא יַעֲנֶה בְּמֹו־פִי אֶתְחַנֶּן־לֹֽו׃ |
||
תִּֽעֲבוּנִי כָּל־מְתֵי סֹודִי וְזֶֽה־אָהַבְתִּי נֶהְפְּכוּ־בִֽי׃ |
||
חָנֻּנִי חָנֻּנִי אַתֶּם רֵעָי כִּי יַד־אֱלֹוהַּ נָגְעָה בִּֽי׃ |
||
מִֽי־יִתֵּן אֵפֹו וְיִכָּתְבוּן מִלָּי מִֽי־יִתֵּן בַּסֵּפֶר וְיֻחָֽקוּ׃ |
||
וַאֲנִי יָדַעְתִּי גֹּאֲלִי חָי וְאַחֲרֹון עַל־עָפָר יָקֽוּם׃ |
||
אֲשֶׁר אֲנִי׀ אֶֽחֱזֶה־לִּי וְעֵינַי רָאוּ וְלֹא־זָר כָּלוּ כִלְיֹתַי בְּחֵקִֽי׃ |
||
גּוּרוּ לָכֶם׀ מִפְּנֵי־חֶרֶב כִּֽי־חֵמָה עֲוֹנֹות חָרֶב לְמַעַן תֵּדְעוּן שַׁדִּין שַׁדּֽוּן׃ ס |
