II Chronicles 17:8
Westminster Hebrew Morphology
וַיִּתֶּן־חַיִל בְּכָל־עָרֵי יְהוּדָה הַבְּצֻרֹות וַיִּתֵּן נְצִיבִים בְּאֶרֶץ יְהוּדָה וּבְעָרֵי אֶפְרַיִם אֲשֶׁר לָכַד אָסָא אָבִֽיו׃ |
||
כִּי לֵֽאלֹהֵי אָבִיו דָּרָשׁ וּבְמִצְוֹתָיו הָלָךְ וְלֹא כְּמַעֲשֵׂה יִשְׂרָאֵֽל׃ |
||
וַיִּגְבַּהּ לִבֹּו בְּדַרְכֵי יְהוָה וְעֹוד הֵסִיר אֶת־הַבָּמֹות וְאֶת־הָאֲשֵׁרִים מִיהוּדָֽה׃ פ |
||
וְעִמָּהֶם הַלְוִיִּם שְֽׁמַֽעְיָהוּ וּנְתַנְיָהוּ וּזְבַדְיָהוּ וַעֲשָׂהאֵל וּשְׁמִרִימֹות וּשְׁמִֽירָמֹות וִֽיהֹונָתָן וַאֲדֹנִיָּהוּ וְטֹֽובִיָּהוּ וְטֹוב אֲדֹונִיָּה הַלְוִיִּם וְעִמָּהֶם אֱלִישָׁמָע וִֽיהֹורָם הַכֹּהֲנִֽים׃ |
||
וַיְהִי׀ פַּחַד יְהוָה עַל כָּל־מַמְלְכֹות הָֽאֲרָצֹות אֲשֶׁר סְבִיבֹות יְהוּדָה וְלֹא נִלְחֲמוּ עִם־יְהֹושָׁפָֽט׃ |
||
וַיְהִי יְהֹושָׁפָט הֹלֵךְ וְגָדֵל עַד־לְמָעְלָה וַיִּבֶן בִּֽיהוּדָה בִּירָנִיֹּות וְעָרֵי מִסְכְּנֹֽות׃ |
||
וְאֵלֶּה פְקֻדָּתָם לְבֵית אֲבֹותֵיהֶם לִֽיהוּדָה שָׂרֵי אֲלָפִים עַדְנָה הַשָּׂר וְעִמֹּו גִּבֹּורֵי חַיִל שְׁלֹשׁ מֵאֹות אָֽלֶף׃ ס |
||
וְעַל־יָדֹו עֲמַסְיָה בֶן־זִכְרִי הַמִּתְנַדֵּב לַיהוָה וְעִמֹּו מָאתַיִם אֶלֶף גִּבֹּור חָֽיִל׃ ס |
||
וְעַל־יָדֹו יְהֹוזָבָד וְעִמֹּו מֵאָֽה־וּשְׁמֹונִים אֶלֶף חֲלוּצֵי צָבָֽא׃ ס |
