Parallel Viewing: Proverbs 28:28
Presets: [OT Scholar][NT Scholar] Link to this view
Parallel viewing allows you to see two or more texts side by side. For example, you could view two Bible versions of the same verse next to each other, or a verse from a specific translation and what a commentary has to say about that specific verse.
| Westminster Hebrew Morphology | |
|---|---|
| 1 נָסוּ וְאֵין־רֹדֵף רָשָׁע וְצַדִּיקִים כִּכְפִיר יִבְטָֽח׃ | |
| 2 בְּפֶשַֽׁע אֶרֶץ רַבִּים שָׂרֶיהָ וּבְאָדָם מֵבִין יֹדֵעַ כֵּן יַאֲרִֽיךְ׃ | |
| 3 גֶּבֶר רָשׁ וְעֹשֵׁק דַּלִּים מָטָר סֹחֵף וְאֵין לָֽחֶם׃ | |
| 4 עֹזְבֵי תֹורָה יְהַֽלְלוּ רָשָׁע וְשֹׁמְרֵי תֹורָה יִתְגָּרוּ בָֽם׃ פ | |
| 5 אַנְשֵׁי־רָע לֹא־יָבִינוּ מִשְׁפָּט וּמְבַקְשֵׁי יְהוָה יָבִינוּ כֹֽל׃ | |
| 6 טֹֽוב־רָשׁ הֹולֵךְ בְּתֻמֹּו מֵעִקֵּשׁ דְּרָכַיִם וְהוּא עָשִֽׁיר׃ | |
| 7 נֹוצֵר תֹּורָה בֵּן מֵבִין וְרֹעֶה זֹֽולְלִים יַכְלִים אָבִֽיו׃ | |
| 8 מַרְבֶּה הֹונֹו בְּנֶשֶׁךְ וּבְתַרְבִּית וְתַרְבִּית לְחֹונֵן דַּלִּים יִקְבְּצֶֽנּוּ׃ | |
| 9 מֵסִיר אָזְנֹו מִשְּׁמֹעַ תֹּורָה גַּֽם־תְּפִלָּתֹו תֹּועֵבָֽה׃ | |
| 10 מַשְׁגֶּה יְשָׁרִים׀ בְּדֶרֶךְ רָע בִּשְׁחוּתֹו הֽוּא־יִפֹּול וּתְמִימִים יִנְחֲלוּ־טֹֽוב׃ | |
| 11 חָכָם בְּעֵינָיו אִישׁ עָשִׁיר וְדַל מֵבִין יַחְקְרֶֽנּוּ׃ | |
| 12 בַּעֲלֹץ צַדִּיקִים רַבָּה תִפְאָרֶת וּבְקוּם רְשָׁעִים יְחֻפַּשׂ אָדָֽם׃ | |
| 13 מְכַסֶּה פְשָׁעָיו לֹא יַצְלִיחַ וּמֹודֶה וְעֹזֵב יְרֻחָֽם׃ | |
| 14 אַשְׁרֵי אָדָם מְפַחֵד תָּמִיד וּמַקְשֶׁה לִבֹּו יִפֹּול בְּרָעָֽה׃ | |
| 15 אֲרִי־נֹהֵם וְדֹב שֹׁוקֵק מֹשֵׁל רָשָׁע עַל עַם־דָּֽל׃ | |
| 16 נָגִיד חֲסַר תְּבוּנֹות וְרַב מַעֲשַׁקֹּות שֹׂנְאֵי שֹׂנֵא בֶצַע יַאֲרִיךְ יָמִֽים׃ פ | |
| 17 אָדָם עָשֻׁק בְּדַם־נָפֶשׁ עַד־בֹּור יָנוּס אַל־יִתְמְכוּ־בֹֽו׃ | |
| 18 הֹולֵךְ תָּמִים יִוָּשֵׁעַ וְנֶעְקַשׁ דְּרָכַיִם יִפֹּול בְּאֶחָֽת׃ | |
| 19 עֹבֵד אַדְמָתֹו יִֽשְׂבַּֽע־לָחֶם וּמְרַדֵּף רֵקִים יִֽשְׂבַּֽע־רִֽישׁ׃ | |
| 20 אִישׁ אֱמוּנֹות רַב־בְּרָכֹות וְאָץ לְהַעֲשִׁיר לֹא יִנָּקֶֽה׃ | |
| 21 הַֽכֵּר־פָּנִים לֹא־טֹוב וְעַל־פַּת־לֶחֶם יִפְשַׁע־גָּֽבֶר׃ | |
| 22 נִֽבֳהָל לַהֹון אִישׁ רַע עָיִן וְלֹֽא־יֵדַע כִּי־חֶסֶר יְבֹאֶֽנּוּ׃ | |
| 2 בְּפֶשַֽׁע אֶרֶץ רַבִּים שָׂרֶיהָ וּבְאָדָם מֵבִין יֹדֵעַ כֵּן יַאֲרִֽיךְ׃ | |
| 4 עֹזְבֵי תֹורָה יְהַֽלְלוּ רָשָׁע וְשֹׁמְרֵי תֹורָה יִתְגָּרוּ בָֽם׃ פ | |
| 6 טֹֽוב־רָשׁ הֹולֵךְ בְּתֻמֹּו מֵעִקֵּשׁ דְּרָכַיִם וְהוּא עָשִֽׁיר׃ | |
| 8 מַרְבֶּה הֹונֹו בְּנֶשֶׁךְ וּבְתַרְבִּית וְתַרְבִּית לְחֹונֵן דַּלִּים יִקְבְּצֶֽנּוּ׃ | |
| 10 מַשְׁגֶּה יְשָׁרִים׀ בְּדֶרֶךְ רָע בִּשְׁחוּתֹו הֽוּא־יִפֹּול וּתְמִימִים יִנְחֲלוּ־טֹֽוב׃ | |
| 12 בַּעֲלֹץ צַדִּיקִים רַבָּה תִפְאָרֶת וּבְקוּם רְשָׁעִים יְחֻפַּשׂ אָדָֽם׃ | |
| 14 אַשְׁרֵי אָדָם מְפַחֵד תָּמִיד וּמַקְשֶׁה לִבֹּו יִפֹּול בְּרָעָֽה׃ | |
| 16 נָגִיד חֲסַר תְּבוּנֹות וְרַב מַעֲשַׁקֹּות שֹׂנְאֵי שֹׂנֵא בֶצַע יַאֲרִיךְ יָמִֽים׃ פ | |
| 18 הֹולֵךְ תָּמִים יִוָּשֵׁעַ וְנֶעְקַשׁ דְּרָכַיִם יִפֹּול בְּאֶחָֽת׃ | |
| 20 אִישׁ אֱמוּנֹות רַב־בְּרָכֹות וְאָץ לְהַעֲשִׁיר לֹא יִנָּקֶֽה׃ | |
| 22 נִֽבֳהָל לַהֹון אִישׁ רַע עָיִן וְלֹֽא־יֵדַע כִּי־חֶסֶר יְבֹאֶֽנּוּ׃ | |
| 24 גֹּוזֵל׀ אָבִיו וְאִמֹּו וְאֹמֵר אֵֽין־פָּשַׁע חָבֵר הוּא לְאִישׁ מַשְׁחִֽית׃ | |
| 26 בֹּוטֵחַ בְּלִבֹּו הוּא כְסִיל וְהֹולֵךְ בְּחָכְמָה הוּא יִמָּלֵֽט׃ | |
| 28 בְּקוּם רְשָׁעִים יִסָּתֵר אָדָם וּבְאָבְדָם יִרְבּוּ צַדִּיקִֽים׃ | |
