OSIS Web: Passage Bible study

Search:

Go to:

Translations:

Preferred Translations

Preferred Translations can be selected from the preferences tab

All Translations

Study Tools:

Many Bibles support original language study help simply by clicking on any word in the text.
Hide Notes
Show Cross-references
Hide Strongs
Hide Morphology

Commentaries:

Preferred Commentaries:

Preferred commentaries can be selected from the preferences tab

All Commentaries

Nehemiah 1:1

Westminster Hebrew Morphology


דִּבְרֵי (@ncmpc) נְחֶמְיָה (@np) בֶּן־ (@ncmsc) חֲכַלְיָה (@np) וַיְהִי (@Pc) (@vqw3msXa) בְחֹֽדֶשׁ־ (@Pp) (@ncmsc) כִּסְלֵו (@np) n כִּסְלֵיו (@np) n שְׁנַת (@ncfsc) עֶשְׂרִים (@ucbpa) וַאֲנִי (@Pc) (@pi1cs) הָיִיתִי (@vqp1cs) בְּשׁוּשַׁן (@Pp) (@np) הַבִּירָֽה (@Pa) (@ncfsa) ׃	1
וַיָּבֹא (@Pc) (@vqw3msXa) חֲנָנִי (@np) אֶחָד (@ucmsa) מֵאַחַי (@Pp) (@ncmpcX1cs) הוּא (@pi3ms) וַאֲנָשִׁים (@Pc) (@ncmpa) מִֽיהוּדָה (@Pp) (@np) וָאֶשְׁאָלֵם (@Pc) (@vqw1csX3mp) עַל־ (@Pp) הַיְּהוּדִים (@Pa) (@np) הַפְּלֵיטָה (@Pa) (@ncfsa) אֲשֶֽׁר־ (@Pr) נִשְׁאֲרוּ (@vnp3cp) מִן־ (@Pp) הַשֶּׁבִי (@Pa) (@ncmsa) וְעַל־ (@Pc) (@Pp) יְרוּשָׁלִָֽם (@np) ׃	2
וַיֹּאמְרוּ לִי הַֽנִּשְׁאָרִים אֲשֶֽׁר־נִשְׁאֲרוּ מִן־הַשְּׁבִי שָׁם בַּמְּדִינָה בְּרָעָה גְדֹלָה וּבְחֶרְפָּה וְחֹומַת יְרוּשָׁלִַם מְפֹרָצֶת וּשְׁעָרֶיהָ נִצְּתוּ בָאֵֽשׁ׃	3
וַיְהִי כְּשָׁמְעִי׀ אֶת־הַדְּבָרִים הָאֵלֶּה יָשַׁבְתִּי וָֽאֶבְכֶּה וָאֶתְאַבְּלָה יָמִים וָֽאֱהִי צָם וּמִתְפַּלֵּל לִפְנֵי אֱלֹהֵי הַשָּׁמָֽיִם׃	4
וָאֹמַר אָֽנָּא יְהוָה אֱלֹהֵי הַשָּׁמַיִם הָאֵל הַגָּדֹול וְהַנֹּורָא שֹׁמֵר הַבְּרִית וָחֶסֶד לְאֹהֲבָיו וּלְשֹׁמְרֵי מִצְוֹתָֽיו׃	5
תְּהִי נָא אָזְנְךָֽ־קַשֶּׁבֶת וְֽעֵינֶיךָ פְתֻוּחֹותn לִשְׁמֹעַ אֶל־תְּפִלַּת עַבְדְּךָ אֲשֶׁר אָנֹכִי מִתְפַּלֵּל לְפָנֶיךָ הַיֹּום יֹומָם וָלַיְלָה עַל־בְּנֵי יִשְׂרָאֵל עֲבָדֶיךָ וּמִתְוַדֶּה עַל־חַטֹּאות בְּנֵֽי־יִשְׂרָאֵל אֲשֶׁר חָטָאנוּ לָךְ וַאֲנִי וּבֵית־אָבִי חָטָֽאנוּ׃	6
חֲבֹל חָבַלְנוּ לָךְ וְלֹא־שָׁמַרְנוּ אֶת־הַמִּצְוֹת וְאֶת־הַֽחֻקִּים וְאֶת־הַמִּשְׁפָּטִים אֲשֶׁר צִוִּיתָ אֶת־מֹשֶׁה עַבְדֶּֽךָ׃	7
זְכָר־נָא אֶת־הַדָּבָר אֲשֶׁר צִוִּיתָ אֶת־מֹשֶׁה עַבְדְּךָ לֵאמֹר אַתֶּם תִּמְעָלוּ אֲנִי אָפִיץ אֶתְכֶם בָּעַמִּֽים׃	8
וְשַׁבְתֶּם אֵלַי וּשְׁמַרְתֶּם מִצְוֹתַי וַעֲשִׂיתֶם אֹתָם אִם־יִהְיֶה נִֽדַּחֲכֶם בִּקְצֵה הַשָּׁמַיִם מִשָּׁם אֲקַבְּצֵם וַהֲבֹואֹתִיםn וַהֲבִֽיאֹותִיםn אֶל־הַמָּקֹום אֲשֶׁר בָּחַרְתִּי לְשַׁכֵּן אֶת־שְׁמִי שָֽׁם׃	9
וְהֵם עֲבָדֶיךָ וְעַמֶּךָ אֲשֶׁר פָּדִיתָ בְּכֹחֲךָ הַגָּדֹול וּבְיָדְךָ הַחֲזָקָֽה׃	10
אָנָּא אֲדֹנָי תְּהִי נָא אָזְנְךָֽ־קַשֶּׁבֶת אֶל־תְּפִלַּת עַבְדְּךָ וְאֶל־תְּפִלַּת עֲבָדֶיךָ הַֽחֲפֵצִים לְיִרְאָה אֶת־שְׁמֶךָ וְהַצְלִֽיחָה־נָּא לְעַבְדְּךָ הַיֹּום וּתְנֵהוּ לְרַחֲמִים לִפְנֵי הָאִישׁ הַזֶּה וַאֲנִי הָיִיתִי מַשְׁקֶה לַמֶּֽלֶךְ׃ פ	11