Parallel Viewing: Proverbs 27:18
Presets: [OT Scholar][NT Scholar] Link to this view
Parallel viewing allows you to see two or more texts side by side. For example, you could view two Bible versions of the same verse next to each other, or a verse from a specific translation and what a commentary has to say about that specific verse.
| Westminster Hebrew Morphology | |
|---|---|
| 1 אַֽל־תִּתְהַלֵּל בְּיֹום מָחָר כִּי לֹא־תֵדַע מַה־יֵּלֶד יֹֽום׃ | |
| 2 יְהַלֶּלְךָ זָר וְלֹא־פִיךָ נָכְרִי וְאַל־שְׂפָתֶֽיךָ׃ | |
| 3 כֹּֽבֶד־אֶבֶן וְנֵטֶל הַחֹול וְכַעַס אֱוִיל כָּבֵד מִשְּׁנֵיהֶֽם׃ | |
| 4 אַכְזְרִיּוּת חֵמָה וְשֶׁטֶף אָף וּמִי יַעֲמֹד לִפְנֵי קִנְאָֽה׃ | |
| 5 טֹובָה תֹּוכַחַת מְגֻלָּה מֵֽאַהֲבָה מְסֻתָּֽרֶת׃ | |
| 6 נֶאֱמָנִים פִּצְעֵי אֹוהֵב וְנַעְתָּרֹות נְשִׁיקֹות שֹׂונֵֽא׃ | |
| 7 נֶפֶשׁ שְׂבֵעָה תָּבוּס נֹפֶת וְנֶפֶשׁ רְעֵבָה כָּל־מַר מָתֹֽוק׃ | |
| 8 כְּצִפֹּור נֹודֶדֶת מִן־קִנָּהּ כֵּֽן־אִישׁ נֹודֵד מִמְּקֹומֹֽו׃ | |
| 9 שֶׁמֶן וּקְטֹרֶת יְשַׂמַּֽח־לֵב וּמֶתֶק רֵעֵהוּ מֵֽעֲצַת־נָֽפֶשׁ׃ | |
| 10 רֵֽעֲךָ וְרֵעֶה וְרֵעַ אָבִיךָ אַֽל־תַּעֲזֹב וּבֵית אָחִיךָ אַל־תָּבֹוא בְּיֹום אֵידֶךָ טֹוב שָׁכֵן קָרֹוב מֵאָח רָחֹֽוק׃ | |
| 11 חֲכַם בְּנִי וְשַׂמַּח לִבִּי וְאָשִׁיבָה חֹרְפִי דָבָֽר׃ | |
| 12 עָרוּם רָאָה רָעָה נִסְתָּר פְּתָאיִם עָבְרוּ נֶעֱנָֽשׁוּ׃ | |
| 13 קַח־בִּגְדֹו כִּי־עָרַב זָר וּבְעַד נָכְרִיָּה חַבְלֵֽהוּ׃ | |
| 14 מְבָרֵךְ רֵעֵהוּ׀ בְּקֹול גָּדֹול בַּבֹּקֶר הַשְׁכֵּים קְלָלָה תֵּחָשֶׁב לֹֽו׃ | |
| 15 דֶּלֶף טֹורֵד בְּיֹום סַגְרִיר וְאֵשֶׁת מְדֹונִים מִדְיָנִים נִשְׁתָּוָֽה׃ | |
| 16 צֹפְנֶיהָ צָֽפַן־רוּחַ וְשֶׁמֶן יְמִינֹו יִקְרָֽא׃ | |
| 17 בַּרְזֶל בְּבַרְזֶל יָחַד וְאִישׁ יַחַד פְּנֵֽי־רֵעֵֽהוּ׃ | |
| 18 נֹצֵר תְּאֵנָה יֹאכַל פִּרְיָהּ וְשֹׁמֵר אֲדֹנָיו יְכֻבָּֽד׃ | |
| 19 כַּמַּיִם הַפָּנִים לַפָּנִים כֵּן לֵֽב־הָאָדָם לָאָדָֽם׃ | |
| 20 שְׁאֹול וַאֲבַדֹּה וַאֲבַדֹּו לֹא תִשְׂבַּעְנָה וְעֵינֵי הָאָדָם לֹא תִשְׂבַּֽעְנָה׃ | |
| 21 מַצְרֵף לַכֶּסֶף וְכוּר לַזָּהָב וְאִישׁ לְפִי מַהֲלָלֹֽו׃ | |
| 22 אִם תִּכְתֹּֽושׁ־אֶת־הָאֱוִיל׀ בַּֽמַּכְתֵּשׁ בְּתֹוךְ הָרִיפֹות בַּֽעֱלִי לֹא־תָסוּר מֵעָלָיו אִוַּלְתֹּֽו׃ פ | |
| 23 יָדֹעַ תֵּדַע פְּנֵי צֹאנֶךָ שִׁית לִבְּךָ לַעֲדָרִֽים׃ | |
| 24 כִּי לֹא לְעֹולָם חֹסֶן וְאִם־נֵזֶר לְדֹור דֹּור וָדֹֽור׃ | |
| 25 גָּלָה חָצִיר וְנִרְאָה־דֶשֶׁא וְנֶאֶסְפוּ עִשְּׂבֹות הָרִֽים׃ | |
| 26 כְּבָשִׂים לִלְבוּשֶׁךָ וּמְחִיר שָׂדֶה עַתּוּדִֽים׃ | |
| 27 וְדֵי׀ חֲלֵב עִזִּים לְֽלַחְמְךָ לְלֶחֶם בֵּיתֶךָ וְחַיִּים לְנַעֲרֹותֶֽיךָ׃ | |
| 2 יְהַלֶּלְךָ זָר וְלֹא־פִיךָ נָכְרִי וְאַל־שְׂפָתֶֽיךָ׃ | |
| 4 אַכְזְרִיּוּת חֵמָה וְשֶׁטֶף אָף וּמִי יַעֲמֹד לִפְנֵי קִנְאָֽה׃ | |
| 6 נֶאֱמָנִים פִּצְעֵי אֹוהֵב וְנַעְתָּרֹות נְשִׁיקֹות שֹׂונֵֽא׃ | |
| 8 כְּצִפֹּור נֹודֶדֶת מִן־קִנָּהּ כֵּֽן־אִישׁ נֹודֵד מִמְּקֹומֹֽו׃ | |
| 10 רֵֽעֲךָ וְרֵעֶה וְרֵעַ אָבִיךָ אַֽל־תַּעֲזֹב וּבֵית אָחִיךָ אַל־תָּבֹוא בְּיֹום אֵידֶךָ טֹוב שָׁכֵן קָרֹוב מֵאָח רָחֹֽוק׃ | |
| 12 עָרוּם רָאָה רָעָה נִסְתָּר פְּתָאיִם עָבְרוּ נֶעֱנָֽשׁוּ׃ | |
| 14 מְבָרֵךְ רֵעֵהוּ׀ בְּקֹול גָּדֹול בַּבֹּקֶר הַשְׁכֵּים קְלָלָה תֵּחָשֶׁב לֹֽו׃ | |
| 16 צֹפְנֶיהָ צָֽפַן־רוּחַ וְשֶׁמֶן יְמִינֹו יִקְרָֽא׃ | |
| 18 נֹצֵר תְּאֵנָה יֹאכַל פִּרְיָהּ וְשֹׁמֵר אֲדֹנָיו יְכֻבָּֽד׃ | |
| 20 שְׁאֹול וַאֲבַדֹּה וַאֲבַדֹּו לֹא תִשְׂבַּעְנָה וְעֵינֵי הָאָדָם לֹא תִשְׂבַּֽעְנָה׃ | |
| 22 אִם תִּכְתֹּֽושׁ־אֶת־הָאֱוִיל׀ בַּֽמַּכְתֵּשׁ בְּתֹוךְ הָרִיפֹות בַּֽעֱלִי לֹא־תָסוּר מֵעָלָיו אִוַּלְתֹּֽו׃ פ | |
| 24 כִּי לֹא לְעֹולָם חֹסֶן וְאִם־נֵזֶר לְדֹור דֹּור וָדֹֽור׃ | |
| 26 כְּבָשִׂים לִלְבוּשֶׁךָ וּמְחִיר שָׂדֶה עַתּוּדִֽים׃ | |
